LENTU Í HRAKNINGUM OG VOSBÚÐ Á SUMARDAGINN FYRSTA

Tveir sólstólar komust af við illan leik - björgunarhundurinn Theobald sýnir mikið snarræði

Tveir sólstólar sem í bjartsýniskasti æddu vanbúnir út í íslenska vorið lentu í illviðri og hrakningum á sumardaginn fyrsta.

„Ef fullur virðisaukaskattur hefði lagst ofan á þessa hrakninga hefðum við aldrei komist lífs af,“ sögðu sólstólarnir í morgun og vildu koma þakklæti sínu á framfæri við ríkisstjórnina.

„Við vorum varla fyrr sloppnir út úr geymslunni þar sem við höfum hírst í vetur en það skall á ofsarok og við bjuggumst við að fjúka út á sjó,“ sögðu þeir í morgun,en þeir eru nú á batavegi.

Björgunarhundurinn Theobald var fyrstur á vettvang í morgun og hóf strax lífgunartilraunir.

Björgunarhundurinn Theobald kom auga á stólana þar sem þeir hvíldu undir hvítri mjallarblæju þegar hann gekk til morgunverka í birtingu og hóf strax lífgunartilraunir á þeim á vettvangi með rauða fótboltanum sínum.

Þér gæti einnig líkað við
Ummæli
Hleð...