LÚXUSSKRIÐDREKI HANDA FJALLKONUNNI Á ÞJÓÐHÁTÍÐARDAGINN!

Þeir almennir borgarar sem eiga vopn í fórum sér eru beðnir að mæta með þau á allar samkomur, hinum vopnlausu er ráðlagt að finna sér handhægt barefli og sömuleiðis bent á að nú er hægt að fá bensín á skaplegu verði í Costco og það má nýta í ágæta Mólótov-kokteila ekki síður en á Yarisinn eða garðsláttuvélina

Nú hefur þjóðaröryggisráðið ákveðið að nota sparnaðinn af einkavæðingu heilbrigðiskerfisins til að taka þennan flotta Armata skriðdreka með öllum útbúnaði á kaupleigu frá Rússum svo að Fjallkonan geti verið örugg þegar hún ávarpar landsmenn á þjóðhátíðardaginn, 17. júní.

Ekki var samstaða í öryggisráðinu um að Armata væri besti kosturinn fyrir fjallkonuna, en hann fékkst á góðu verði, þótt hátíðlegra hefði verið að flytja ávarpið út um fallbyssuhlaupið á þessum Svarta Panþer lúxusdreka frá Suðurkóreu.

Til að tryggja betur öryggi almennings verður vopnuð lögreglan á svæðinu, en það er ekki hægt að leggja alla ábyrgð á öryggi almennings á lúnar herðar lögreglunnar, svo að þeir sem ætla að mæta á þjóðhátíðarhöldin eru beðnir um að mæta sjálfir með þau vopn sem þeir eiga. Vissulega er það rétt að MEÐ LÖGGUM SKAL LAND BYGGJA en hin fámenna lögregla getur ekki tryggt öryggi almennings nema lögleidd verði almenn skylda allra borgara að bera jafnan vopn á almannafæri frá fermingaraldri til eftirlaunaaldurs.

Þér gæti einnig líkað við
Ummæli
Hleð...