Fyrstu niðurstöður úr skoðanakönnun frá því í október í fyrra

46,7% þeirra sem tóku þátt í könnuninni vildu umfram allt teflonhúðaða framtíð en 53,3% völdu bara venjulega framtíð með sósu og salati - en minnihlutinn ræður

Í skoðanakönnun sem gerð var meðal Íslinga rétt fyrir mánaðamótin okt-nóv á síðasta ári var fólk spurt um hvort það vildi heldur venjulega framtíð eða einkavædda og teflonhúðaða.

46,7% þeirra sem tóku þátt í könnuninni vildu umfram allt teflonhúðaða framtíð en 53,3% völdu bara venjulega framtíð með sósu og salati.

Samkvæmt reglum um skoðanakannanir vega skoðanir úr dreifbýli mun þyngra en skoðanir þéttbýlinga vegna þess að úti á landi er meira súrefni  og hugsunin skýrari og er niðurstaðan þvi sú að minnihlutinn skuli ráða og framtíð Íslinga verði teflonhúðuð.

Í sömu könnun var einnig reynt að kanna félagsþroska og í því sambandi  var spurt aukaspurninga eins og:

a) Berð þú einhverja ábyrgð á því hvort náungi þinn er dópisti og fyllibytta eða viltu fá bús í búðir?

Manneskjur hafa tvær hendur. Önnur er til að komast í eigin vasa. Hin er til að komast í vasa annarra. (Lausleg þýðing).

b) Viltu ráða því sjálfur hvort það er skipt um mjaðmarlið í þér í einkareiknu heilbrigðiskerfi eða hanga í biðröð árum saman í gamla kerfinu eftir því að komast vegna þess að Skógræktin er að nota vélsögina?

Og:

c) Á maður að reyna að elska náunga sinn sem er bara sífellt að hugsa um sjálfan sig eða bara gefa skít í hann og reyna að klóra sig áfram sjálf(ur)?

Verið er að vinna úr niðurstöðunum.

P.S. Forsíðumyndin er eftir Gunnar Karlsson og er fengin af netinu eins og svo margt fleira gott – og birt með leyfi höfundar.

Uppspretta Gunnar Karlsson
Þér gæti einnig líkað við
Ummæli
Hleð...