Raflost eða háspennurafsmit hjá Landsvirkjun?

Furðulegar hugmyndir á kreiki hjá Landsvirkjun: Stórhækkað rafmagnsverð væri dásamleg kjarabót fyrir almenning í landinu sem hefði þá hugsanlega efni á að niðurgreiða rafmagnskapal til að selja Skotum rafmagn á útsöluprís

Furðulegar hugmyndir um að stórkostleg hækkun á rafmagnsverði til venjulegs fólks mundi stórbæta lífskjör almennings og gera okkur kleift að leggja sæstreng til Skotlands til að geta boðið Bretum niðurgreitt rafmagn koma nú í stríðum straumum frá Landsvirkjun. En ekki nóg með þetta, einnig væri hægt að lækka skatta á stóriðjuverum á Íslandi og ná niður verði á rafmagni til stóriðju!!

Hugmyndir af þessu tagi berast nú frá Landsvirkjun og hafa vakið grunsemdir um að stjórnendur hjá ríkisstofnunum sem eiga að framleiða vistvæna orku handa landsmönnum á viðráðanlegu verði eigi á hættu að verða fyrir einhvers konar háspennu eða rafstraumi eða rafsegulmögnun sem veldur hrikalegum ranghugmyndum og jafnvel heiladoða í bæði stóra og litla heilanum.

Danskir vísindamenn hafa nú verið fengnir til að rannsaka málið, en því miður virðist háspennurafsmit líka hafa komið upp í því rannsóknarteymi og er allur hópurinn með bullandi óráði.

Meira síðar.

Þér gæti einnig líkað við
Ummæli
Hleð...