Sérátöppuð mjólk úr þrílitum kúm er ofurfæða!

- jafnvel betri en "brún egg"

Matvælamarkaðurinn verður að taka mið af breytilegum smekk neytenda og matarvenjum. Til dæmis er farið að bera á sértrúarhópum sem kæra sig ekki um að lifa á ljúffengum sykri og drekka freyðandi sykurvatn með eins og síðustu kynslóðir gerðu með góðum árangri og almennum.

Hinn nýi neytandi heimtar svokallaða „vistvæna“ fæðu og er stöðugt að leita að svokallaðri ofurfæðu og hvomar í sig bláber, chia-fræ og villtan lax (því villtari, því betri) í von um ofurhollustuáhrif.

Allir þekkja eftirsókn þjóðarinnar og hina takmarkalausu trú á „brúnum eggjum“ enda vaða þeir eggjaframleiðendur í peningum sem skilja að það er liturinn á eggjunum en ekki liturinn á hænunni sem skiptir neytandann máli.

Það vekur því furðu mína að mjólkuriðnaðurinn sem snýst mest um hversu miklum sykri sé best að blanda út í mjólkurafurðir handa börnum til að framkalla hámarks ADHD hjá þeim strax fyrir fermingu skuli ekki vera farinn að selja sérátappaða mjólk úr þrílitum kúm, en mjólk úr þrílitum kúm hefur verið í senn ofurfæða og aðalfæðubótarefni Íslinga allt frá landnámi og gott ef ekki lengur.

Þér gæti einnig líkað við
Ummæli
Hleð...