FÉLAGSVÍSINDASTOFNUN HEFUR LOKSINS TEKIST AÐ SETJA KOSNINGAHEGÐUN ÍSLINGA UPP Í LÍNURIT

Geta kjósenda á Íslandi til að trúa því sem þeir vilja trúa er mun meiri en mælst hefur erlendis

Seinna í dag verða kynntar niðurstöður Félagsvísindastofnunar í viðamikilli rannsókn á kosningahegðun Íslinga. Í ljós kemur að trú fólks á huldufólk hefur minnkað en að sama skapi hefur trú á kosningaloforð og eilífar allsnægtir í Sumarlandinu aukist.

Jarðlitu línurnar á þessu grafi sýna fjölda þeirra sem roðna þegar þeir eru minntir á að þeir hafi kosið Bjarta framtíð. Hinar línurnar sýna þá sem ekki vilja viðurkenna að hafa kosið Viðreisn.

20% kjósenda hvika aldrei frá því að vera alltaf á móti öllu og 35% styðja ævinlega ríkisstjórnina en iðrast þess jafnfram að láta stöðugt hafa sig að fíflum.

11% Framsóknarmanna telja að dr. Simmi sé Messías og hann gæti auðveldlega sigrað fyrir Íslands hönd í Eurovision ef hann bara fengi tækifæri til þess og Sjónvarpið hætti að ofsækja hann.

Þetta kökugraf (rauði hlutinn) sýnir glögglega hversu margir trúa því að þetta fari allt einhvern veginn. (Bláa sneiðin sýnir hversu margir myndu fara í sund daglega ef þeir hefðu tíma til þess).
Þér gæti einnig líkað við
Ummæli
Hleð...