Stjörnulögmenn segja ríkið svindla á krónueigendum

- svindlið nær þó ekki til krónuleysingja sem geta ótruflaðir haldið áfram að eta það sem úti frýs

Stjörnulögmenn hvetja nú alla krónueigendur til að athuga réttarstöðu sína og fá sér stjörnulögmann við fyrsta tækifæri til að fara í skaðabótamál við Seðlabankann, Fjármálaráðuneytið, Íslenska ríkið og Almenning fyrir að hafa verið narraðir til að býtta íslenskum krónum í evrur á okurverði og ekki látnir vita fyrirfram af gengisfellingunni sem kynnt var nú um helgina.

Vogarskálar réttlætisins tákna að allir séu jafnir fyrir lögunum þótt menn séu að sjálfsögðu bæði misjafnir og misjafnlega jafnir.

Vogarskálar réttlætisins eiga að minna okkur á að allir eru jafnir fyrir lögunum, en það er ekki þar með sagt að krónueigendur séu jafnir og þeir sem ekki eiga krónu og svamla jafnvel um í skuldasúpu.

Þótt krónueigendur séu nú að huga að stöðu sinni er krónuleysingjum bent á halda áfram að hafa sig hæga því að gengisfellingin hefur engin áhrif á stöðu þeirra sem ekki eiga bót fyrir boruna á sér; þeir sem voru í djúpum skít verða það áfram héðan í frá eins og hingað til og enginn fær gert neitt við því.

 

 

Þér gæti einnig líkað við
Ummæli
Hleð...