ÞAKKLÁTIR KRÖFUHAFAR GEFA ÍSLENSKA RÍKINU NÝJA RÍKISFJÁRHIRSLU

„Við höfum víða farið en aldrei áður kynnst svona örlæti,” segir formaður Félags erlendra kröfuhafa og kallar afnám gjaldeyrishafta „stórkostlegan örlætisgjörning”

Samtök erlendra kröfuhafa afhentu fjármálaráðherra og seðlabankastjóra í morgun nýja og glæsilega ríkisfjárhirslu í stað þeirrar sem nú hefur verið ákveðið að tæma í vasa þeirra.

Frá stjórnarfundinum þar sem Samtök kröfuhafa ákváðu að sýna Íslingum þakklætisvott fyrir fádæma örlæti við vandalausa.

„Það er lágmark að við látum þakklæti okkar í ljósi við þetta tækifæri,” sagði formaður samtaka vogunarsjóða og kröfuhafa. „Við eigum ekki að venjast svona örlæti af hálfu vandalausra.”

„Sælla er að gefa en þiggja,“ sagði formaður Samtaka erlendra kröfuhafa þegar hann afhenti seðlabankastjóra og fjármálaráðherra nýja ríkisfjárhirslu.
Þér gæti einnig líkað við
Ummæli
Hleð...